ՀՀ ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՄԻՈՒԹՅՈՒՆ

Միության վերստուգիչ հանձնաժողովի անդամներն ընտրվում են Ընդհանուր ժողովի կողմից` 3 տարի ժամկետով:

Վերստուգիչ հանձնաժողովի կազմը պետք է 3 անձից պակաս չլինի և ընտրված լինի միայն Միության անդամների աշխատակիցներից, բացառությամբ Միության կառավարման մարմիններում ընդգրկված անձանցից: Վերստուգիչ հանձնաժողովի նախագահն ընտրվում է հանձնաժողովի կազմից:

Վերստուգիչ հանձնաժողովը

• իրականացնում է Միության ֆինանսատնտեսական գործունեության տարեկան արդյունքների ստուգումը` հաջորդ տարվա առաջին եռամսյակի ընթացքում,

• ստուգում է Միության ֆինանսատնտեսական գործունեությունը սեփական նախաձեռնությամբ` ցանկացած ժամանակ, Ընդհանուր ժողովի որոշմամբ, ինչպես նաև Միության անդամների առնվազն 10 տոկոսի պահանջով,

• ստուգում է Միության փաստաթղթերի համապատասխանությունը օրենքներին, Կանոնադրությանը, Ընդհանուր ժողովի որոշումներին, ներքին ակտերին,

• ստուգման ընթացքում իրավունք ունի պահանջել Միության ֆինանսատնտեսական գործունեությանը վերաբերող բոլոր անհրաժեշտ փաստաթղթերը, 

• ստուգումների արդյունքների հիման վրա պատրաստում է հաշվետվություններ և ներկայացնում Ընդհանուր ժողովին, 

• Միության գործունեության տարեկան ֆինանսական հաշվետվությունների   ստուգման վերաբերյալ եզրակացությունը ներկայացնում է Ընդհանուր ժողովին: