ՀՀ ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՄԻՈՒԹՅՈՒՆ

Փետրվարի 26, 2018 թ.

ՀՀ Վարկային կազմակերպությունների միության նախագահ Լուիզա Իգրարյանը և ծրագրերի ղեկավար Լենա Մամիկոնյանը մասնակցել է 2018 թ. փետրվարի 19-22-ին Հնդկաստանի Մահաբալիպուրամ քաղաքում կայացած Սոցիալական պատասխանատվության SPTF (Social Performance Task Force) տարեկան համաժողովին:

Փետրվարի 15, 2018 թ.

2018 թ. փետրվարի 13-ին Ռուսաստանի Դաշնության մայրաքաղաք Մոսկվայում կայացավ Ֆինանսական գրագիտության և ֆինանսավորման հասանելիության վերաբերյալ չորրորդ միջազգային համաժողովը: Համաժողովի այս տարվա հիմնական թեման էր «Նոր հնարավորություններ և ռիսկեր ֆինանսական սպառողների համար»:

Դեկտեմբեր 15, 2017թ.

2017 թ. նոյեմբերի 29-ից դեկտեմբերի 1-ը Ռուսաստանի Դաշնության Սանկտ-Պետերբուրգ քաղաքում կայացավ միկրոֆինանսավորման և ֆինանսական ներգրավման վերաբերյալ 16-րդ ազգային համաժողովը: Համաժողովի այս տարվա հիմնական թեման էր «Միկրոֆինանսավորումը Ռուսաստանում. Կայուն լուծումներ փնտրելիս»:

Հոկտեմբերի 31, 2017 թ.

Հայաստանի Հանրապետության վարկային կազմակերպությունների միությունում հոկտեմբերի 26-ին և 27-ին տեղի է ունեցել սպառողական վարկերի ռիսկի գնահատման վերաբերյալ դասընթաց:  Դասընթացը վարել է ՀՀ վարկային կազմակերպությունների ծրագրի ղեկավար Լենա Մամիկոնյանը:

Հոկտեմբեր 5, 2017 թ.

ՀՀ Վարկային կազմակերպությունների միության գլխավոր տնօրենի ժամանակավոր պաշտոնակատար Խորեն Քերոբյանը մասնակցել է 2017 թ. հոկտեմբերի 5-ին Լեհաստանի մայրաքաղաք Վարշավայում կայացած Այլընտրանքային ֆինանսավորում ֆորումին:

Հունիս 12, 2017 թ.

ՀՀ վարկային կազմակերպությունների միությունը կազմակերպեց Կետային կանխատեսման մոդելներ թեմայով երկօրյա վերապատրաստում` նախատեսված ՀՀ ՎԿՄ անդամ վարկային կազմակերպությունների վերլուծական բաժնի աշխատակիցների համար:

Մայիս 31, 2017 թ.

ՀՀ վարկային կազմակերպությունների միությունը մասնակցել է 2017 թ. մայիսի 24-26-ին Բոսնիա և Հերցեգովինայի մայրաքաղաք Սարաևոյում կայացած Միկրոֆինանսական կենտրոնի 20-րդ համաժողովին:

Ապրիլ 7, 2017 թ.

Ս. թ. ապրիլի 7-ին «Իմպերիում պլազա» բիզնես կենտրոնում կայացավ ՀՀ Վարկային կազմակերպությունների միության Ընդհանուր ժողովի տարեկան նիստը: Ժողովին ​​​բացի ՎԿՄ անդամներից հրավիրված էին նաև ներկայացուցիչներ այլ վարկային կազմակերպություններից, Ֆինանսական համակարգի հաշտարարի գրասենյակից, Բանկերի միությունից, այլ համագործակցող կառույցներից:

Փետրվար 24, 2017 թ.

2017 թ. փետրվարի 16-ին Ռուսաստանի Դաշնության մայրաքաղաք Մոսկվայում կայացավ Ֆինանսական գրագիտության և ֆինանսավորման հասանելիության վերաբերյալ երրորդ միջազգային համաժողովը:

Փետրվար 10, 2017 թ.

ՀՀ վարկային կազմակերպությունների միությունը Միջազգային համագործակցության գերմանական խնայբանկերի հիմնադրամի հետ համատեղ իրականացրեց Ֆինանսական վերլուծության հիման վրա գերպարտավորությունները կանխելու թեմայով քառօրյա սեմինար` նախատեսված ՀՀ ՎԿՄ անդամ վարկային կազմակերպությունների վարկային մասնագետների և վարկային բաժնի ղեկավարների համար:

Նոյեմբեր 18, 2016 թ.

Նոյեմբերի 17-ին Իմպերիում Պլազա Բիզնես Կենտրոնում տեղի ունեցավ ՀՀ Վարկային Կազմակերպությունների միության կողմից իր անդամ վարկային կազմակերպությունների շրջանակում իրականացված ուսումնասիրության արդյունքում հրապարակված «Սոցիալական ցուցանիշների համախմբված հաշվետվություն: Վարկային կազմակերպությունների փորձը» հաշվետվության շնորհանդեսը:

Հոկտեմբեր 13, 2016 թ.

Սույն թվականի սեպտեմբեր ամսից ՀՀ ՎԿՄ անդամ վարկային կազմակերպությունների շարքը համալրվեց ՀՀ ֆինանսական շուկայում գործող Քարդ ԱԳՐՈԿրեդիտ ՈՒՎԿ-ի անդամակցությամբ:

Հոկտեմբեր 3, 2016 թ.

Սույն թվականի հոկտեմբերի 1-ից ՀՀ վարկային կազմակերպությունների միությունը հայտարարում է ԽԵԼԱՄԻՏ ՎԱՐԿԱՎՈՐՈՒՄ արշավի սկիզբը:

Սեպտեմբեր 13, 2016 թ.

2016 թ. սեպտեմբերի 13-ին Բելառուսի Հանրապետության մայրաքաղաք Մինսկում կայացավ «Փոքր և միջին բիզնեսի ֆինանսավորման ժամանակակից գործիքներ» թեմայով միջազգային համաժողով:

Հունիս 24, 2016 թ.

Հունիսի 15-16-ին Թբիլիսիում տեղի է ունեցել Օկսֆամի կողմից կազմակերպված Պարենային անվտանգության և սնուցման թեմայով միջազգային համաժողովը, որին մասնակցել է նաև ՀՀ ՎԿՄ-ն` որպես Գյուղատնտեսական դաշինքի անդամ:

Հունիս 6, 2016 թ.

ՀՀ Վարկային կազմակերպությունների միությունը մասնակցել է 2016 թ. մայիսի 29-հունիս 2-ին Մարոկկոյի Մարաքեշ քաղաքում կայացած Սոցիալական պատասխանատվության SPTF (Social Performance Task Force) տարեկան համաժողովին:

Մայիս 23, 2016 թ.

Արդեն ավանդույթ դարձած «Իմ Ֆինանսների Ամիս 2016» ծրագիրը այս տարի տեղի ունեցավ Ապրիլի 1-ից 30-ը:

Ապրիլ 26, 2016 թ.

Սույն թվականի ապրիլի 26-ին ՀՀ ՎԿՄ գործադիր տնօրեն Նարինե Թերզյանը և Հաբիթաթ ֆոր Հյումենիթի Արմենիա հիմնադրամի գործադիր տնօրեն Լուիզա Վարդանյանը ստորագրեցին համագործակցության հուշագիր:

Ապրիլ 6, 2016 թ.

Ս. թ. ապրիլի 6-ին «Էրեբունի պլազա» բիզնես կենտրոնում կայացավ ՀՀ Վարկային կազմակերպությունների միության Ընդհանուր ժողովի տարեկան նիստը: 

Դեկտեմբեր 7-8, 2015 թ.

2015 թ. դեկտեմբերին «Ֆինանսական կրթության միջոցով ֆինանսական միջոցների ներգրավման խթանում» թեմայով միջազգային համաժողով է կազմակերպվել Բելառուսի Հանրապետության մայրաքաղաք Մինսկում:

Նոյեմբերի 25, 2015 թ.

ՀՀ ՎԿՄ-ն CERISE-ի և Միկրոֆինանսական կենտրոնի հետ համատեղ կազմակերպել է մեկօրյա վերապատրաստում սոցիալական պատասխանատվության կառավարման վերաբերյալ:

Հոկտեմբերի 20 և նոյեմբերի 19, 2015 թ.

ՀՀ ՎԿՄ-ն Ֆինանսական կրթության ազգային ռազմավարության (ՖԿԱՌ) գրասենյակի հետ համատեղ կազմակերպել է 2 սեմինար «Ինչպե՞ս ճիշտ կողմնորոշվել վարկավորման շուկայում» թեմայով:

Նոյեմբերի 5-6, 2015 թ.

ՀՀ ՎԿՄ գործադիր տնօրեն Նարինե Թերզյանը մասնակցել է 2015 թ. նոյեմբերի 5-6 կայացած Միկրոֆինանսական կենտրոնի 18-րդ համաժողովին:

Սեպտեմբերի 28-Հոկտեմբերի 1, 2015 թ.

ՀՀ ՎԿՄ գործադիր տնօրեն Նարինե Թերզյանը մասնակցել է Seep Network-ի 2015 թ. տարեկան համաժողովին:

Հունիս 12, 2015

Հայաստանի Հանրապետության վարկային կազմակերպությունների միությունը ԱՄՆ ՄԶԳ Ֆինանսներ Տնտեսական Զարգացման ծրագրի և “EV Consulting” ՓԲԸ-ի   հետ համատեղ մայիսի 25-ից հունիսի 12-ը ՀՀ երեք մարզերում (Երևան, Վանաձոր, Արարատ) անց կացրեց վարկային մասնագետների համար նախատեսված ՓՄՁ վարկավորում թեմայով դասընթաց:

Մարտ 31, 2015 թ.

 ԱՄՆ ՄԶԳ «Ֆինանսներ տնտեսական զարգացման համար» ծրագիրը Համաշխարհային բանկի, ՀՀ Արդարադատության նախարարության, ՀՀ Կենտրոնական բանկի, ՀՀ Բանկերի և Վարկային կազմակերպությունների միությունների հետ համատեղ ս.թ. ապրիլի 3-ին «Արմենիա Մարիոթ» հյուրանոցի Տիգրան Մեծ սրահում կազմակերպում է «Ապահովված գործարքների համակարգի ներդրումը Հայաստանի Հանրապետությունում» խորագրով համաժողով: 

Մարտ 27, 2015

2015 թ․-ի մարտի 27-ին «Էրեբունի պլազա» հյուրանոցում տեղի ունեցավ ՀՀ վարկային կազմակերպությունների միության ընդհանուր ժողովի տարեկան նիստը։ ՀՀ Վարկային կազմակերպությունների միության 7-րդ տարեկան ժողովում Միության նախագահ է վերընտրվել Արմեն Գաբրիելյանը:

Մարտ 18, 2015

2015թ.-ի մարտի 16-ին Փարիզ հյուրանոցում կայացավ «Ապահովված գործարքների համակարգի և շարժական գույքի էլեկտրոնային ռեգիստրի ներդրումը ՀՀ-ում» տեղեկատվական ներկայացումը վարկային կազմակերպությունների համար:

Փետրվար 25, 2015

Հայաստանի Հանրապետության վարկային կազմակերպությունների միությունում փետրվարի 25-ին տեղի է ունեցել «Փողերի լվացման և ահաբեկչության ֆինանսավորման դեմ պայքարի մասին» ՀՀ նոր օրենքի և ենթաօրենսդրական ակտերում կատարված փոփոխությունների վերաբերյալ սեմինար: 

Դեկտեմբեր 24, 2014

Հայաստանի Հանրապետության վարկային կազմակերպությունների միությունում դեկտեմբերի 23-24-ին տեղի է ունեցել Ռիսկերի Կառավարման դասընթաց անդամ վարկային կազմակերպությունների համար:

Հուլիս 5, 2014

Հայաստանի Հանրապետության վարկային կազմակերպությունների միությունում հունիսի 25-27-ին և հուլիսի 3-4-ին տեղի է ունեցել Ներքին աուդիտի վերաբերյալ դասընթաց:  Դասընթացը վարել է ՊրոԿրեդիտ Հոլդինգի  ներքին աուդիտի ռեգիոնալ (Հայաստան, Վրաստան, Ուկրաինա) կոորդինատոր Սոնա Իշխանյանը:

Հունիս 15, 2014

Հայաստանի Հանրապետության վարկային կազմակերպությունների միությունում հունիսի 12-ին տեղի է ունեցել Խարդախության Ռիսկի վերաբերյալ դասընթաց:  Դասընթացը վարել է ՊրոԿրեդիտ Հայաստան բանկի փոխտնօրեն Աշոտ Աբրահամյանը: 

Մայիս 22, 2014 թ.

Հայաստանի Հանրապետության վարկային կազմակերպությունների միությունում մայիսի 22-ին տեղի է ունեցել գործարար վարվելակերպի և վարկավորման սոցիալական ստանդարտների վերաբերյալ դասընթաց։

Մարտ 1, 2014 թ.

ՀՀ ՎԿՄ-ի և ԵՄ «Ինոգեյթ» և ԱՄՆ ՄԶԳ «Ֆինանսներ տնտեսության զարգացման համար» ծրագրերի համատեղ նախաձեռնությամբ փետրվարի 25-ից մարտի 1-ը Երևանում կայացել է գործնական և տեղեկատվական աշխատանքային սեմինար էներգախնայողության, կայուն և վերականգնվող էներգետիկայի ֆինանսավորման մեխանիզմների վերաբերյալ: