ՀՀ ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ՄԻՈՒԹՅՈՒՆ

ՀՀ վարկային կազմակերպությունների  միության  հիմնական նպատակն է ՀՀ կենտրոնական բանկում, ՀՀ Կառավարությունում, պետական և ոչ պետական այլ մարմիններում, ինչպես նաև միջազգային կառույցներում ներկայացնել և առաջխաղացնել իր անդամների ընդհանուր խնդիրներն ու շահերը:

Միության նպատակներն են`

• բացահայտել, հետազոտել և ընդհանրացնել իր անդամների շահերի հետ առնչվող օրենսդրական և ոչ օրենսդրական հիմնախնդիրները, խոչընդոտներն ու ռիսկերը և համապատասխան գործողություններ նախաձեռնելը` դրանք լուծելու ուղղությամբ,

• պաշտպանել և ներկայացնել Միության անդամների շահերը պետական և տեղական ինքնակառավարման մարմիններում, հասարակական և միջազգային կազմակերպություններում,

• պաշտպանել և ներկայացնել Միության անդամների շահերը ՀՀ Կենտրոնական բանկում, այդ նպատակով կազմակերպել համատեղ քննարկումներ, հանդես գալ առաջարկություններով,

• նպաստել Միության անդամների կապերի զարգացմանը և ամրապնդմանը, համակարգել Միության անդամների գործունեությունը` համատեղ երկարաժամկետ ծրագրերի մշակման և իրականացման համար,

• մասնակցել ՀՀ-ում ֆինանսավարկային գործունեության մասին օրենսդրական և նորմատիվային ակտերի նախագծերի մշակմանը և դրանց փորձաքննությանը,

• Միության անդամներին օժանդակել ֆինանսավարկային առաջավոր տեխնոլոգիաների ու մեթոդների ներդրմանը` սպասարկման բարելավման և գործունեության արդյունավետության բարձրացման նպատակով,

• մշակել և իրականացնել ծրագրեր` կադրերի վերապատրաստման և որակավորման բարձրացման, ինչպես նաև որակավորման ու մասնագիտական համապատասխանության ստուգման ուղղությամբ,

• կազմակերպել սեմինարներ և գիտաժողովներ,

• իրականացնել Միության անդամների ընդհանուր շահերից բխող այլ խնդիրներ, որոնք չեն հակասում ՀՀ օրենսդրությանը և Միության կանոնադրությանը:

ՀՀ ՎԿՄ-ի ռազմավարական նպատակներն են`

• ՀՀ ՎԿՄ ներքին կարողությունների զարգացում,

• Միության և անդամ վարկային կազմակերպությունների համագործակցության արդյունավետության բարձրացում,

• Պետական մարմիններում միության անդամների շահերի ներկայացում և առաջխաղացում,

• Միության ներսում մասնագիտական ակումբների ստեղծում,

• Միջազգային կազմակերպությունների հետ համագործակցության խորացում,

• Մասնագիտական և որակավորման բարձրացման դասընթացների, սեմինարների և համաժողովների իրականացում, 

• ՀՀ ՎԿՄ ներսում ֆինանսատնտեսական հետազոտությունների և վերլուծությունների կարողությունների զարգացում,

• ՀՀ ՎԿՄ անդամների համար միջազգային ստանդարտներին համապատասխան ինքնակարգավորման քաղաքականության ներդրում,

• ՀՀ ՎԿՄ և իր անդամների գործունեության լուսաբանում և քարոզչություն,

• ՀՀ ՎԿՄ անդամակցության ընդլայնում, 

• ՀՀ-ում վարկային ինդուստրիայի ռազմավարական ծրագիր մշակելու խրախուսում,

• Ներքին և արտաքին ներդրումային ֆոնդերի ներգրավվածության խթանում։